Zgjedhjet në Serbi/ Exit-Poll e para nxjerrin fitues partinë e Vuçiç

Serbia ka organizuar gjatë ditë së sotme zgjedhje të trefishta.

Zgjedhjet presidenciale, zgjedhjet e parakohshme parlamentare dhe zgjedhjet për Kuvendin e Beogradit dhe 13 qytete e komuna të tjera janë mbajtur sot në Serbi, ndërsa qendrat e votimit janë mbyllur në orën 20:00.

Të drejtën e votës sot kanë pasur 6.502.307 zgjedhës, të cilët sipas të dhënave të REC-së deri në orën 19:00 e kanë ushtruar 54.82 për qind, që është më i larti në gjashtë vitet e fundit. Serbët e Kosovës kanë votuar në katër qendra të ndryshme të votimit në Serbi pasi që qeveria e Kosovës nuk ka lejuar që të zhvillohen zgjedhjet serbe në territorin e saj.

Sipas medieve vendase, Exit Poll e para nxjerrin fitues partinë e Vuçiç i cili bëhet me dije se mund të ketë marrë 57% të votave.