“Breshëri” në rrugë shkakton aksident në Gjirokastër, makina përplaset me bordurën, plagoset drejtuesi, dërgohet me urgjencë në spital

Koha e keqe me reshje të dendura bresheri, ka shkaktuar para pak minutave aksident në hyrje te qytetit te Gjirokastres ne aksin Gjirokaster-Tepelene. Ngjarja ka ndodhur tek kthesa e unazes se qytetit ne lagjen “Gërhot” kur një autoveture me targa AA027OY e cila vinte nga Tirana ne drejtim te Gjirokastrës, është përplasur me borduren metalike ne kushtet e rrëshqitjes nga rruga e ngarkuar me breshër.

Për pasoje drejtuesi i mjetit ka pësuar lëndime në gjymtyrë dhe është dërguar me urgjencë ne Spitalin Rajonal te Gjirokastres. Nuk dihet ende gjendja shendetesore e tij.

Njoftimi i Plotë:

Gjirokastër/Informacion paraprak.

Rreth orës 20:35, në rrugën nacionale Tepelenë-Gjirokastër, në vendin e quajtur “Gërhot”, automjeti tip “Ford”, me drejtues shtetsin E. D., rreth 20 vjeç, banues në Gjirokastër, ka dalë nga rruga dhe është përplasur me bordurën anësore.

Për pasojë është dëmtuar drejtuesi i automjetit, i cili u transportua në spitalin Rajonal Gjirokastër për të marrë ndihmën mjekësore, si dhe kanë marrë dëmtime të lehta 2 pasagjerët që ndodheshin në automjet.

Në vendngjarje ndodhet grupi hetimor dhe po punon për zbardhjen e shkaqeve të aksidentit.