“75 mijë kam pensionin, 60 i marr ilaçe”/ Rama: Të rimbursohen! E moshuara: Jo jo nuk i marr me rimbursim

Gjatë intervistës që kryeministri Edi Rama po jepte në studion e emisionit “Opinion”, njëra prej të zonjave të ftuara në publik është marrë në referencë sa i takon pensionit që merrte çdo muaj.

Zonja u shpreh se merrte 75 mijë lekë të vjetra pension dhe nga këto 60 mijë i shpenzonte për ilaçe.
Si kundërpërgjigjie, Rama përmendi rimbursimin, por e moshuara e mohoi diçka të tillë, duke u përgjigjur se i merrte pa asnjë lloj rimbursimi.

Fevziu: Sa lekë merrni ilaçe zonjë?

E moshuara: 60 mijë lekë, se marr edhe fishat e diabetit. Ndërsa për pension marr 75 mijë lekë.

Rama: Fishat e diabetit janë të rimbursueshme

E moshuara: Jo jo , nuk i kam të rimbursueshme.

Rama: Po i merr, se e di unë.

E moshuara: Jo jo nuk i marr me rimbursim.

Rama: Dakord, tani Fevzi vazhdojmë, uluni zonjë.