Plas pas BBVA? Mateo, Gimbo dhe Selina habisin fansat me veprimin e fundit (FOTO) – ekskluzivet

Tre nga emrat më të komentuar të Big Brother VIP Albania, Selin Bollati, Mateo dhe DJ Gimbo, duket se kanë krisur përfundimisht marrëdhënien e tyre.

Edhe pse gjatë qëndrimit në shtëpinë më të famshme ata krijuan një shoqëri shumë të afërt, situata mes tyre ka marrë një kthesë të papritur pas përfundimit të spektaklit.

Gjithçka u vu re nga ndjekësit në rrjetet sociale.

Sipas aludimeve, fillimisht Selina hoqi Mateon nga lista e ndjekësve në Instagram, ndërsa pak më vonë të njëjtin veprim e bëri edhe Gimbo.

Përgjigjja e Mateos erdhi menjëherë, duke i bërë “unfollow” të dyve.

Shumë ndjekës besojnë se zanafilla e krisjes nisi gjatë emisionit “Post BBVA”, kur Mateo deklaroi publikisht se Selina nuk e meritonte fitoren pasi “nuk kishte bërë lojë fitoreje”.

Kjo deklaratë duket se ka zhgënjyer fituesen e edicionit, e cila u shpreh e prekur nga komenti i tij.

Situata bëhet edhe më interesante duke kujtuar se Mateo më herët e kishte quajtur Gimbon një nga miqtë më të mirë që kishte njohur brenda shtëpisë.

Megjithatë, duket se Gimbo ka zgjedhur të mbështesë partneren e tij, Selinën, duke i dhënë fund raportit me Mateon.

Deri tani, asnjëri prej tyre nuk ka folur hapur për atë që ka ndodhur realisht mes tyre, por fansat po presin me shumë kuriozitet zhvillimet e radhës.