Ministrja Haxhiu: Personat e zhdukur – kujtesë e përhershme e padrejtësisë ndaj Kosovës
Ministrja e Drejtësisë, Albulena Haxhiu, në Ditën Ndërkombëtare të personave të zhdukur ka thënë se ata mbeten kujtesa për padrejtësitë që përjetoi populli i Kosovës.
“Këto plagë të hapura janë një kujtesë e përhershme e padrejtësisë dhe dhimbjes së pashlyeshme që përjetuan familjet e tyre, që përjetoi populli i Kosovës. Në këtë ditë, përkujtojmë sakrificat e tyre dhe riafirmojmë angazhimin tonë të palëkundur për të zbardhur fatin e të zhdukurve, duke kërkuar drejtësi dhe përgjegjësi për të gjithë ata”, ka shkruar ajo në Facebook.
Po ashtu, Haxhiu ka thënë se drejtësia do të jetë e plotë vetëm atëherë kur çdo familje të ketë përgjigjen që kërkon.
