16
Endri, këngëtari që dikur bënte bujë me hitet e tij, është rikthyer fuqishëm në vëmendjen e publikut, dhe kësaj radhe jo vetëm për muzikë.
I ftuari i radhës në rubrikën e famshme “25 pyetje” të Prive By Liberta Spahiu, ai nuk i ka shpëtuar pyetjeve “pikante” që të gjithë donin t’i dinin. Rikthimi i tij artistik u shënua me projektin e ndjerë muzikor ‘Pa ty’, por sytë e publikut ishin diku tjetër: te raporti i tij me banoren e shtëpisë më të famshme në vend, Benitën.
Pas shumë spekulimeve dhe kurreshtjes së madhe për kohën e tij jashtë skenës, Endri foli hapur dhe pa doreza. Ai deklaroi se gëzon një raport të shkëlqyer me familjen e Benitës, duke zbuluar se komunikimi me ta është i vazhdueshëm dhe intensiv gjatë gjithë kohës që ajo ndodhet e izoluar në Big Brother VIP Kosova. Kjo deklaratë duket se hedh poshtë çdo dyshim për mbështetjen e tij ndaj partneres.
Por si e sheh ai lojën e saj? Endri nuk u kursye në vlerësim. Ai u shpreh se Benita, në një shkallë nga 1 në 10, është një 10 absolute dhe reale. Ai garantoi publikun se ajo që po shohim në ekran është Benita e vërtetë, pa asnjë maskë apo shtirje, duke qëndruar besnike ndaj vetvetes brenda formatit.
Për të mësuar më shumë detaje rreth planeve të tij dhe rrëfimin e plotë, ndiqni intervistën në videon e mëposhtme.
Leave a Reply