Gazeta Telegram · Portali i lajmeve
SHOWBIZ

“Poem më pyeti pse nuk jemi më bashkë”, Sara Hoxha tregon si ia shpjegoi vajzës ndarjen nga Ledri

Nga aroadmin   ·  


Sara Hoxha ka ndarë së fundmi një nga momentet më të ndjeshme që ka përjetuar pas ndarjes nga Ledri Vula.

E ftuar në një intervistë për “X Media”, ajo foli hapur për raportin me vajzën e tyre, Poem dhe pyetjet e vështira që fëmijët bëjnë në situata të tilla familjare.

Sara tregoi se pyetja që e preku më shumë erdhi pikërisht nga vajza e saj. “Një pyetje shumë e vështirë që Poi më bëri para pak kohësh është se pse jam ndarë unë dhe Ledri”, u shpreh ajo.

Sipas Sarës, ajo zgjodhi të ishte e sinqertë dhe t’ia shpjegonte situatën me fjalë të thjeshta, të përshtatshme për moshën e vajzës. Ajo i tregoi se marrëdhënia mes saj dhe Ledrit nuk po funksiononte më si më parë dhe se nuk po arrinin të merreshin vesh.

Por biseda nuk mbaroi aty. Poem e pyeti më tej: “Po ju mund ta rregulloni?”. Një pyetje që, sipas Sarës, ishte edhe më emocionale dhe e vështirë për t’u përballuar si nënë.

Ajo tha se i kishte shpjeguar vajzës se kishin provuar ta rregullonin marrëdhënien, por nuk kishte funksionuar dhe se ndarja ishte vendimi më i mirë për familjen.

Në fund, Sara theksoi rëndësinë e komunikimit të hapur me fëmijët në raste të tilla, duke shtuar se sa më qartë t’u shpjegohet realiteti, aq më lehtë ata e kuptojnë dhe e pranojnë situatën.






Source link

Komentet

Shkruaj një koment

Your email address will not be published. Required fields are marked *