Luizi – Brikenës për Mateon: “Kurrë mos thuaj kurrë”

1

Hyrja e papritur e fituesit ikonik të Big Brother VIP 2, Luiz Ejlli, në shtëpinë e famshme mbrëmjen e djeshme ka ndryshuar menjëherë dinamikat e lojës.

Mëngjesi i sotëm e gjeti “Luanin” në një diskutim intensiv dhe mjaft të sinqertë me Brikenën, ku tema kryesore ishte pezullia e raportit të saj me Mateon. Me natyrën e tij karakteristike dhe pa doreza, Luizi i kërkoi banores të jetë e qartë me veten dhe me djalin në krah, duke i dhënë një ultimatum miqësor: “Ndaje mendjen. O merre djalin, o lëre.”

Për t’i dhënë më shumë peshë fjalëve të tij dhe për të treguar se në atë shtëpi gjërat ndryshojnë me shpejtësi marramendëse, Luizi solli në vëmendje historinë e tij personale me Kiara Titon.

Ai rikujtoi kohën kur Kiara i rezistonte, duke i thënë se do t’i duheshin “tre Big Brother-a” për ta bërë për vete. Megjithatë, siç theksoi ai me krenari, sot ajo është nëna e fëmijës së tij, duke vërtetuar shprehjen “kurrë mos thuaj kurrë”.

Kjo bisedë pritet të shërbejë si një pikë kthese për Brikenën, e cila tani gjendet përballë një zgjedhjeje, ndërsa publiku pret me kuriozitet të shohë nëse historia do të përsëritet edhe në këtë edicion të pestë.