Postuar: Janar 23, 2026 | 21:32
Përballjet mes Dinamo dhe Elbasanit kanë prodhuar në sezonet e fundit duele të forta, të luftuara dhe shpesh të ekuilibruara. Dy skuadrat janë kthyer në rivale të drejtpërdrejta, me ndeshje që rrallëherë kanë mungesë emocionesh apo gola vendimtarë.
Statistikat e takimeve direkte tregojnë një bilanc interesant. Në gjashtë përballjet e fundit në Superiore, Dinamo Tirana ka regjistruar tre fitore, Elbasani një fitore, ndërsa dy ndeshje janë mbyllur në barazim. Sfida e fundit, e luajtur më 22 nëntor 2025, u mbyll 1–1, duke konfirmuar edhe një herë ekuilibrin mes palëve. Dinamo ka ditur të imponohet veçanërisht në transfertë, si në fitoren e thellë 5–0 më 4 nëntor 2024 në Elbasan, ndërsa Elbasani ka treguar se di të godasë në momentet e duhura, si në suksesin 1–0 të shtatorit 2025.
Edhe ndeshjet në “shtëpinë” e Dinamos kanë dhuruar spektakël. Fitoret 3–1 dhe 2–1 për blutë tregojnë se përballë Elbasanit nuk ka vend për gabime, pasi çdo detaj mund të vendosë fatin e 90 minutave. Me këtë histori përballjesh, takimet mes Dinamo dhe Elbasanit mbeten ndër më të ndjekurat e kampionatit, aty ku rivaliteti, taktika dhe emocionet shkojnë gjithmonë dorë për dore.
PANORAMASPORT.AL
Leave a Reply