Milani ka dështuar të marrë tri pikët në shtëpi, duke barazuar 2:2 me Sassuolo në një ndeshje të fortë dhe të hapur në “San Siro”.
Mysafirët kanë kaluar të parët në epërsi me golin e Ismaël Kone, por Milan ka reaguar para pushimit përmes Davide Bartesaghi, i cili e ka shënuar golin e barazimit.
I njëjti lojtar e ka kaluar Milan në epërsi në pjesën e dytë, duke realizuar golin e dytë personal.
Megjithatë, Sassuolo nuk është dorëzuar dhe ka barazuar rezultatin me golin e Armand Lauriente rreth pesëmbëdhjetë minuta para fundit.
Të dyja skuadrat kanë pasur raste për fitore, por rezultati ka mbetur i pandryshuar.
Pas këtij barazimi, Milan rrezikon të humbasë pozitën udhëheqëse në Serie A, ndërsa Sassuolo vazhdon paraqitjet pozitive dhe aktualisht renditet në vendin e nëntë.
