Pas më shumë se dy vitesh, Paul Pogba po i afrohet rikthimit në fushë.
Trajneri i Monacos, Adi Hutter, ka dhënë lajmin në konferencë për media, duke konfirmuar përparimin e ish-yllit të Juventusit.
“Jemi në fazën përgatitore. I kemi dhënë vetes tre muaj. Ai po i afrohet grupit. Po bën mirë fizikisht dhe mendërisht”, u shpreh Hutter.
Pogba u zyrtarizua nga Monaco më 28 qershor, me klubin e Principatës që vendosi të rikthejë një lojtar që luajti rol kyç në fitoren e Francës në Kupën e Botës 2018. Që nga ajo kohë, performanca e tij është ulur gradualisht, kryesisht për shkak të problemeve fizike, duke kulmuar me pezullimin e tij për doping në vitin 2023.
Trajneri Hutter e ka përfshirë Pogban në skuadrën për UEFA Champions League, duke i dhënë mundësinë të rikthehet në garat evropiane, edhe pse ende nuk është në formën e plotë fizike për të qenë gati për ndeshjet e radhës.
Kur mund ta shohim Pogban në fushë? Nuk pritet që ai të luajë të shtunën kundër Lorient, por rikthimi mund të ndodhë më 5 tetor, në ndeshjen kundër Nice në “Louis II”.
Ndeshja e tij e fundit zyrtare ishte më 3 shtator, në udhëtim ndaj Empolit, ku luajti gjysmën e dytë të ndeshjes si zëvendësues i Fabio Miretti-t.
