Futbollistët e Serbisë janë deklasuar nga reprezentacioni i Anlgisë në ndeshjen kualifikuese për Kupën e Botës 2026. Anglezët ishin më e mirë se skuadra e Dragan Stojkoviq me një rezultat bindës 0-5 (0-2) dhe kështu pothuajse e zgjidhi çështjen e vendit të parë në grupin K.
Pas ndeshjes, trajneri Dragan Stojkoviq, iu drejtua mediave në qendrën e shtypit të stadiumit “Rajko Mitiq”.
“Një natë e vështirë për të gjithë ne. Por kur ke një rival si Anglia, duhet të sigurohesh që ata janë më të mirë në çdo pjesë të lojës. Ajo që është e rëndësishme për mua është se ky është realiteti – ku jemi dhe kush jemi. Ata i përkasin ajkës së futbollit evropian, kështu që je i pafuqishëm kundër një skuadre të tillë. Duhet të hasësh në një minutë të tillë dhe mund të thuhet se ata dominuan me meritë, ajo humbje mund të jetë edhe më bindëse”, deklaroi Stojkoviq.
“Na duhej kjo për t’u zgjuar, me gjithë respektin e duhur për skuadrën angleze. Ta përmendi edhe këtë. Kur filluan kualifikueset, e dinim që rivali ynë do të jetë Shqipëria, jo Anglia. Kushdo që nuk besonte, nuk kishte të drejtë. Ata janë një dimension krejtësisht i ndryshëm, pozicioni ynë është i njëjtë, duam të mbledhim sa më shumë pikë të jetë e mundur për të arritur pozicionin numër 2. Ky është imazhi i vërtetë i futbollit tone”, tha mes tjerash selektori serb Dragan Stojkoviq i cili u vërshëllye nga publiku pas humbjes së thellë, duke ia kërkuar edhe dorëheqjen.
