Kandidati i VLEN për kryetar të komunës së Likovës, Nexhmedin Sadiku ka vizituar SHKA “Jeta e Re” nga Sllupcani, e cila po përgatitet për në festivalin e madh në Inegol të Turqisë.
Ja postimi:
-Sot pata kënaqësinë të vizitoj provat gjenerale të Shoqërisë Kulturore Artistike “Jeta e Re” – Sllupçan.
Kjo shoqëri me vite të tëra ka qenë ambasador i kulturës sonë, duke përfaqësuar me sukses në festivale kombëtare e ndërkombëtare dhe duke u kthyer gjithmonë me çmime e vlerësime të larta.
U takova me kryetarin Rinor Iseni dhe valltarët, të cilët po përgatiten me përkushtim për festivalin e madh shqiptar në İnegöl, Turqi. Ishte kënaqësi të shoh energjinë dhe pasionin e tyre për artin dhe kulturën shqiptare.
