Një i vdekur dhe pesë të lënduar nga përplasja e një tullumbaceje me ajër në Holandë

09:22 | 14 Gusht 2025

Q L

Një person ka vdekur dhe pesë të tjerë janë lënduar pasi një tullumbace me ajër të nxehtë është përplasur të mërkurën në mbrëmje në një livadh në Friesland, një provincë në veri të Holandës, kanë thënë autoritetet lokale.

Tullumbacja mbante 34 pasagjerë.

“Tullumbacja me ajër të nxehtë ka rënë shpejt rreth orës 9:00 të mbrëmjes dhe ka goditur fort tokën”, kanë thënë autoritetet e Frieslandit, duke shtuar se policia kishte nisur një hetim për aksidentin, raporton Reuters.

Një zëdhënës i Shoqatës Mbretërore Aeronautike të Holandës ka thënë për mediat lokale se një erë e papritur kishte bërë që tullumbacja të godiste tokën me forcë.