BUNDESLIGA 2
Darmstadt – Bochum Pas tre sezonesh në Bundesligë, Bochum është rikthyer në Bundesligën 2 dhe udhëtimi i tyre fillon me një ndeshje jashtë fushe ndaj Darmstadt. Darmstadt përfundoi i 12-ti sezonin e kaluar në Bundesligën 2 dhe do të jetë i etur për një ecuri më të mirë këtë sezon, ndërsa kanë fituar katër nga pesë ndeshjet miqësore parasezonale. Herën e fundit që këto dy skuadra u përballën ishte në sezonin 2023/2024 të Bundesligës, përpara rënies së Darmstadt nga kategoria. Darmstadt fitoi takimin e fundit në Bundesligën 2. Fitorja 3- 1 në vitin 2021 mbetet triumfi i tyre i vetëm në 10 ndeshjet e fundit kundër Bochum. Bochum synon një rikthim të shpejtë në Bundesligë dhe do të jetë i lumtur të fillojë ndeshjen kundër një kundërshtari, të cilin e ka dominuar së fundmi. Në 10 takimet e fundit me Darmstadt, Bochum ka fituar pesë. Megjithatë, katër nga shtatë takimet e tyre të fundit përfunduan në barazim. Bochum, për t’u përgatitur për sezonin e ri, luajti tetë ndeshje miqësore parasezonale dhe fitoi katër prej tyre. Pasi humbën 21 nga 34 ndeshjet e tyre sezonin e kaluar në Bundesligë, këtë herë do të synojnë një performancë më të mirë. Në ndeshjet zyrtare, arritën vetëm tre fitore në 10 ndeshjet e tyre të fundit jashtë fushe, humbën katër dhe barazuan tre herë. Darmstadt nuk ka triumfuar vërtet në këtë sfidë, por do të ndiejë njëfarë pozitiviteti para kësaj ndeshjeje. Kanë fituar takimin e fundit të Bundesligës 2 me Bochum dhe do të jenë të etur për ta përsëritur këtë sukses. Parasezoni e tyre ka qenë gjithashtu pozitiv dhe shpresojnë që kjo të ndryshojë fatin e tyre në këtë përballje. Miqtë do të jenë të sigurt se do ta zgjerojnë dominimin e tyre në transfertë, pasi kanë humbur vetëm një herë ndaj Darmstadt në 10 takimet e fundit. Megjithatë, katër nga shtatë takimet e fundit kanë prodhuar barazime.
PARASHIKIMI: 2
SUPER LEAGUE FC
Basel – Grasshopper FC Basel do të jetë në fushë këtë të shtunë në St. Jakob-Park, ku do të përballet me Grasshoppers në javën e dytë të Superligës Zvicerane. FCB është në vendin e 10-të pas ndeshjes së parë të sezonit, ndërsa GCZ është në vendin e shtatë. Sezoni 2024-25 ishte i paharrueshëm për FC Basel, pasi ata u rikthyen në krye të renditjes së Ligës Zvicerane për herë të parë që nga sezoni 2016- 17, 10 pikë larg vendit të dytë. Megjithatë, FCB pati një nisje të dobët këtë sezon, duke humbur ndeshjen e parë në ligë, pasi nuk mundi të ruante epërsinë kundër St Gallen, duke e përfunduar ndeshjen me një disfatë 2-1 në transfertë. Kjo është ndeshja e parë në shtëpi për vendasit këtë sezon. Ata e mbyllën sezonin e kaluar me një rekord mbresëlënës në shtëpi, duke fituar pesë ndeshjet e fundit në ligë, ndërsa shënuan dy ose më shumë gola në secilën prej këtyre takimeve. Ndërkohë, për të dytin sezon radhazi, Grasshoppers arriti të ruante statusin e tyre në ligën e parë vetëm duke i mbijetuar “playoff”-eve për rënien nga kategoria. Grasshoppers hyn në javën e dytë të ndeshjes me humbje, pasi pësuan një disfatë 3-2 në ndeshjen e tyre të parë në shtëpi kundër Luzern javën e kaluar. Performanca e ekipit mysafir në ligë gjatë ndeshjeve jashtë fushe nuk ka qenë aspak mbresëlënëse. Ata humbën tre ndeshjet e fundit jashtë fushe sezonin e kaluar dhe fituan vetëm një në nëntë ndeshjet e fundit (1 fitore, 3 barazime, 5 humbje). Bazeli i dha fund një pritjeje pothuajse një dekade për të fituar titullin e Ligës Zvicerane sezonin e kaluar dhe, pasi humbën ndeshjen hapëse të sezonit javën e kaluar, do të jenë të vendosur të tregojnë forcën në këtë sezon. Grasshoppers ka humbur pesë nga gjashtë ndeshjet e fundit të ligës, pavarësisht pushimeve verore, dhe do ta kenë vështirësi të përballojnë vendasit këtë fundjavë.
Parashikimi: 1 / shënohen mbi 2.5 gola.
PANORAMASPORT.AL
