Të shtunën, emisioni Prive zbuloi se Egli Tako ka gjetur një shtëpi të re muzikore pas ndarjes profesionale me Fifin.
Këngëtarja tashmë është bërë pjesë e label-it “SBS Entertainment”, ndërsa projektet e reja janë në përgatitje me intensitet të lartë.
Burime të sigurta bëjnë të ditur se menaxhmenti i ri po kujdeset me vëmendje për hapat e radhës të artistes, duke përgatitur disa projekte të fuqishme që pritet të tërheqin vëmendjen e publikut.
Një nga bashkëpunimet më të shumëpritura këtë verë do ta sjellë Eglin në një këngë të përbashkët me dy emra të njohur të skenës shqiptare – Lumi B dhe Ghetto Geasy.
Për detaje të tjera do të duhet të pritet edhe pak, por një gjë është e sigurt: kjo verë për Eglin do të jetë e mbushur me ritme dhe energji të zjarrta muzikore!
