Spitali “Isa Zllami” në Bajram Curri, Tropojë, po përballet me kushte të vështira dhe mungesë mbështetjeje nga autoritetet kompetente. Qytetarët e zonës shprehin shqetësimin për neglizhencën e institucioneve shëndetësore, duke theksuar se shpesh u sugjerohet të kërkojnë ndihmë mjekësore në Gjakovë, Kosovë, për shkak të mungesës së shërbimeve adekuate në spitalin lokal. Kjo situatë ka shkaktuar indinjatë mes banorëve, të cilët e konsiderojnë këtë një neglizhencë të madhe nga ana e autoriteteve shëndetësore.
Përgjegjësia për këtë situatë, sipas qytetarëve, bie mbi Ministrinë e Shëndetësisë, që nuk kanë ndërmarrë asnjë hap për përmirësimin e kushteve, përkundrazi kanë toleruar një situatë të papranueshme.
