Manchester United ka kaluar në çerekfinale të Ligës së Evropës, pasi eliminoi Real Sociedadin me rezultat të përgjithshëm 5-2.
Pas vetëm dhjetë minutash lojë në Old Trafford, spanjollët fituan një penallti dhe nga aty i saktë u tregua Mikel Oyarzabal.
Por, gëzimi i tyre zgjati vetëm gjashtë minuta, pasi edhe Djajtë e Kuq fituan një penallti me anë të Patrick Dorgu që u rrëzua në zonë nga lojtari i Sociedadit.
Nga 11 metra, i saktë u tregua Bruno Fernandes (16’), duke i barazuar shifrat në 1-1.
Mesfushori portugez doli të ishte heroi i Manchester United, pasi sërish shënoi nga penalltia.
Në minutën e 50-të, Bruno Fernandes sërish doli përballë portierit të Sociedadit dhe për të përmbysur rezultatin në 2-1.
Portugezi kompletoi het-trikun e tij në minutën e 87-të, kur u asistua nga Alejandro Garnacho.
Diogo Dalot (90+1′) realizoi golin e katër për Djajtë e Kuq, për rezultatin final 4-1 dhe i përgjithshëm 5-2.
Në çerekfinale, Manchester United do të përballet me Lynonin që eliminoi FCSB-në.
