Postuar: Shkurt 23, 2025 | 14:46
Nga interesimi i pakët, te goli me dedikim. Këto dhe jo vetëm ishin disa nga pikantet e ndeshjes mes Dinamos dhe Laçit, që “Panorama Sport” i servir për lexuesit e saj.
-Në këtë ndeshje mungoi interesimi nga ana e tifozëve të dy skuadrave. Në stadiumin “Elbasan Arena” nuk ishin më shumë se 50 të pranishëm, të gjithë në tribunën qendrore.
-Jorgo Meksi vijon të vuajë pasojat e përplasjes së ndeshjes së kaluar ndaj Vllaznisë, ku u ça në kokë. Ai luajti edhe ndaj Laçit me kokën e fashuar.
-Dejvi Bregu shkon ta festojë golin me kapitenin e skuadrës së tij, Bruno Dita, i cili ndodhej në stol.
-Bregun e acaron një vendim i kryesorit për të mos dhënë faull në favor të tij. Gjyqtari detyrohet të ndalë lojën dhe ta sqarojë për vendimin e marrë.
-Pas ndeshjes, lojtarët e të dyja skuadrave kanë konsumuar picat që kishin porositur.
PANORAMASPORT.AL
