Postuar: Janar 15, 2025 | 21:31
Lëvizje jo vetëm në hyrje te Flamurtari në këtë merkato janari. Nëpërmjet një postimi në faqen zyrtare, klubi vlonjat bën me dije se ka ndërprerë bashkëpunimin me mesfushorin Ali Adem, ndërkohë që një tjetër mesfushor është huazuar te Korabi, bëhet fjalë për shkodranin Paulo Pjeshka, i cili kërkon më shumë minuta në këmbët e tij.
“Flamurtari Football Club njofton se ka arritur marrëveshjen me KF Korabi për huazimin e mesfushorit Paulo Pjeshka deri në përfundimin e sezonit futbollistit.
Gjithashtu njoftojmë mbylljen e bashkëpunimit me marreveshje për mesfushorin Ali Adem
Duke e falenderuar për kontributin e dhënë me fanellën kuqezi, i urojme suksese në karrierën futbollistike.”, shkruhet në faqen e klubit vlonjat.
PANORAMASPORT.AL
