Samsung prezantoi disa laptopë dhe televizorë të rin në CES 2025 por kompania ka ruajtur lajmet më të rëndësishme për evenimentin e radhës, të parin në llojin e tij për 2025.
Gjiganti Korean do të mbajë më 22 Janar 2025 evenimentin e parë Galaxy Unpacked kur me shumë gjasa do të zbulojë risitë e fundit për Galaxy AI si dhe pajisjet e reja Galaxy.
Evenimenti do të mbahet në San Jose të Shteteve të Bashkuara si vitet e kaluar. Nisur nga momenti kur do të mbahet ky eveniment, Samsung me shumë gjasa do të prezantojë seritë Galaxy S25 me çipin e ri Snapdragon 8 Elite dhe dizajn të përditësuar, të paktën për Galaxy S25 Ultra.
Akoma më interesant është fakti se Samsung mund të prezantojë Galaxy Ring 2 si dhe pajisjen e realitetit virtual dhe të shtuar me emrin e koduar “Project Moohan” Android XR.
/PCWorld Albanian
