Mjekët: Nuk ka vend për panik nga meningjiti

Jo çdo person që preket nga meningiti ka pasoja fatale për jetën. Qytetarët janë alarmuar pas humbjes së jetës së vajzës së mitur në QSUT në Tiranë, si pasojë e prekjes nga meningjiti akut, por mjekët shprehen se nuk ka vend për panik.

“Asnjë panik nga meningiti bakterial miq!

Është sëmundje shumë e rrallë edhe pse serioze kur ndodh!

E njohim mirë dhe prej kohësh!”shkruan në faqen e tij në Facebook, mjeku Ilir Alimehmeti.

Mjekët sqarojnë se kur prekemi nga infeksionet virale nuk duhet t’i neglizhojnë por të paraqitemi tek mjeku i familjes, pasi bakteri gjen terren të përshtatshëm.

Ata shtojnë se gripi nuk duhet neglizhuar pasi një ndër komplikacionet e tij është meningjiti viral, cili shkakton humbje jete.