Hemorroidet, çfarë është trajtimi i ri me lazer dhe a mund të shpëtoni njëherë e mirë nga ky problem?

Të dhimbshme, “turpëruese”, delikate, të paparashikueshme: hemorroidet janë një çrregullim i shpeshtë si tek meshkujt ashtu edhe tek femrat. Është vlerësuar se afërsisht gjysma e njerëzve kanë patur hemorroide, në një mënyrë pak a shumë akute, të paktën një herë në jetën e tyre. Dikur ky problem ishte i shpeshtë për moshat mbi 50 vjeç, por tani me ndryshimet e stilit të jetesës dhe ushqimeve, edhe moshat e reja e përjetojnë atë.

Kur ndryshimi i të ushqyerit, aktiviteti fizik dhe medikamentet e pomadat nuk mjaftojnë, mjeku mund të sugjerojë kirurgji për të përmirësuar situatën. Shumë e shtyjnë ndërhyrjen kirurgjikale sepse e dinë se periudha pas operacionit është shpesh e dhimbshme dhe jo gjithmonë përfundimtare. Por tani ka një lajm të mirë: Ka disa vite që është shpikur trajtimi me lazer HeLP, një teknikë minimalisht invazive që nuk gjeneron plagë dhe është praktikisht pa dhimbje. Ky lazer ka mbërritur në Itali dhe Dr. Paolo Giamundo i Institutit Mjekësor të Milanos ka shpjeguar si përdoret.

Çfarë janë hemorroidet?

Hemorroidet janë pjesë e anatomisë së kanalit anal. Është një kompleks venash të vogla të cilat, përveç funksioneve të tjera, kontribuojnë në ruajtjen e nevojave dhe fiziologjinë normale të kanalit anal. Në kushte normale prania e tyre nuk ndihet, por, kur ato ndryshojnë, ënjtja e tyre mund të shoqërohet me simptoma të bezdisshme si prolapsi, dhimbje, djegie, kruajtje ose gjakderdhje.

Cilat janë shkaqet që kontribuojnë në këtë problem?

Mënyra e jetesës sedentare, kapsllëku, sforcimet e tepërta, stresi dhe predispozita gjenetike janë ndër shkaqet e patologjisë hemorroide. Një dietë e shëndetshme dhe një mënyrë jetese aktive mund të parandalojnë fillimin e inflamacionit, por kur kjo nuk është e mjaftueshme, është e nevojshme të drejtoheni në terapi të synuara dhe, kur edhe terapia mjekësore me ilaçe dhe pomada lokale dështon, ndërhyrja kirurgjikale është e nevojshme.

Cila është teknika minimale invazive Laser HelP

Trajtimi inovativ me lazer “HeLP” konsiston në një dearterializim të hemorroideve Doppler të drejtuar me lazer. Është një teknikë minimalisht invazive që nuk krijon plagë dhe është praktikisht pa dhimbje. Arsyeja për këtë teknikë bazohet në supozimin, të raportuar nga studime të shumta shkencore, se patologjia hemorroide rrjedh nga një fluks vaskular hiperarteriovenoz. Në praktikë, sistemi hemorroidal arterial do të lëshonte një sasi të tepërt gjaku në sistemin venoz të hemorroideve (hemorroide), duke krijuar bazën për një zgjerim progresiv të pleksusit hemorroidal dhe për rrjedhojë të gjitha simptomat që rezultojnë.

Kjo teknikë e re është revolucionare

Bazuar në këtë teori vaskulare, ndërhyrja me laser HeLP përfaqëson një revolucion të vërtetë në trajtimin e sëmundjes hemorroide. Një rreze lazer me diodë 980 nm e gjeneratës së fundit përdoret për të mbyllur degët terminale të arteries hemorroide superiore, duke reduktuar rrjedhën e gjakut arteriovenoz dhe duke trajtuar në mënyrë progresive simptomat e lidhura me hemorroidet.

Meqenëse arteriet hemorroidale ndodhen në pjesën e sipërme të kanalit anal, ku mbaresat nervore që gjenerojnë dhimbje janë të përfaqësuara dobët, teknika konsiderohet pothuajse plotësisht pa dhimbje dhe mund të kryhet pa anestezi mbi baza ambulatore.

Hemorroidet dhe teknikat kirurgjikale: dallimet

Ndërhyrja HeLP Laser përfaqëson evolucionin e vërtetë mini-invaziv të trajtimit të hemorroideve patologjike. Ndryshe nga operacioni tradicional i hemorroidektomisë, hemorroidet nuk hiqen dhe kjo çon në eliminimin e dhimbjeve dhe komplikimeve të mundshme, madje edhe serioze, të lidhura me kirurgjinë tradicionale.

Ai zgjat 15 minuta dhe shoqërohet me një rikuperim shumë të shpejtë pas operacionit.

Gjatë operacionit, arteriolat hemorroidale identifikohen me Doppler dhe “koagulohen” nga veprimi i një rreze lazer. Veprimi i lazerit është jashtëzakonisht i saktë, duke mos e kaluar thellësinë 4 mm në murin rektal. Kjo garanton sigurinë totale të metodës.

Nuk nevojitet anestezi

Avantazhi i madh i veprimit me lazer shumë në brendësi të kanalit anal është se lejon që operacioni të kryhet pa asnjë anestezi (as lokale), më së shumti dhe në raste të zgjedhura, me një qetësues shumë të lehtë, i cili ka për qëllim të vetëm promovimin dhe relaksimin e pacientit. Falë HeLP, trajtimi i hemorroideve bëhet absolutisht pa gjak, pa dhimbje (si gjatë ashtu edhe më pas), në thelb pa komplikime serioze dhe ambulatore. Pacienti largohet nga qendra mjekësore menjëherë pas operacionit, në mënyrë të pavarur dhe nga dita në vijim do të mund të rifillojë aktivitetet e tij të përditshme dhe të punës.

Pse s’duhet të prisni për të shkuar te specialisti

Si me të gjitha teknikat kirurgjikale, ky operacion indikohet në rast të dështimit të terapisë mjekësore dhe në rast të hemorroideve shumë simptomatike, por me prolaps të moderuar. Në rastet e hemorroideve të prolapsuara që nuk mund të reduktohen më me dorë, do të jetë e nevojshme të drejtoheni në trajtime më invazive. Prandaj është rëndësia e kontaktit të menjëhershëm me mjekun specialist Proktolog, pa pritur që shkalla e sëmundjes të përparojë drejt situatave që nuk mund të trajtohen më me invazivitet minimal.

Cilat janë indikacionet? A është diçka që mund ta bëjnë të gjithë?

HeLP, duke qenë një operacion “i sigurt”, me një incidencë shumë të ulët të komplikimeve postoperative, mund të sugjerohet edhe në pacientë shumë të rinj ose shumë të moshuar me simptoma të përsëritura që nuk mund të kontrollohen më me terapi farmakologjike.

Si të bëhet parandalimi në këtë fushë?

Në përgjithësi, sëmundja e hemorroideve mund të parandalohet. Mbajtja e një diete të kontrolluar me fibra, hidratim i mirë, aktivitet i rregullt fizik. Por edhe duke rregulluar herët që shkoni gjat dits në tualet për të shmangur kapsllëkun ose përkundrazi numrin e tepërt të evakuimeve ditore. Por, në rast të shfaqjes së simptomave, një vizitë specialistike proktologjike është e një rëndësie thelbësore, sepse mundëson diagnozën e hershme korrekte dhe e drejton pacientin drejt terapive kirurgjikale më të përshtatshme, ndoshta minimalisht invazive, siç është teknika me laser HeLP./Living