Napoli është favoriti kryesor për titullin, nuk mendoj që Interi ka nevojë për të bërë merkato

Marko Materaci kërkon që të vazhdojë presionin ndaj Napolit duke e konsideruar si një nga skuadrat favorite për titullin kampion.“Interi sigurisht që është një prej ekipeve që mund të fitojnë titullin, por Napoli është kandidatja kryesore. Pavarësisht se Konte nuk do ta pranojë. Për mua është favoriti kryesor”, ka thënë ish-mbrojtësi zikaltër.

Ai foli gjithashtu edhe për merkaton e janarit.

“Zakonisht në këtë merkato lëvizin ekipet që janë për mbijetesë dhe që duan patjetër që të forcojnë ekipin e tyre. Po ashtu edhe skuadrat që kanë shumë dëmtime për të plotësuar organikën. Juventusi është një prej tyre. Nuk mendoj që Interi ka nevojë për të bërë merkato”, tha Materaci.

PANORAMASPORT.AL

NDIQE LIVE “PANORAMA TV”