Albin Kurti ka folur pas nominimit edhe për një mandat për kryeministër të vendit, duke shprehur bindjen se partia e tij do t’i fitojë thellësisht zgjedhjet e 9 shkurtit
“Zgjedhjet edhe një herë do të fitohen thellësisht. Organizatat tona, qendrat, e secili nga aktivistët duhet të jenë më të gatshëm për betejën që e kemi përpara e që padyshim do ta fitojmë bashkërisht”, deklaroi Kurti.
“Për popullin është e qartë se nuk ka kthim prapa”, pohoi Kurti.
“Ditët në vijim më pak gjumë, përgjegjësia jonë para popullit është shumë e madhe”, tha Kurti.
Ai thumboi jo pak edhe partitë opozitare.
“Paritë tjera besoj e kanë kollaj, por as ne nuk e kemi aq vështirë, se pragu për partitë tjera është 5%, e për Vetëvendosjen është 50%”, tha Kurti.
Ai tutje tha se VV është subjekti i vetëm që nuk do të varet nga votat e Listës Serbe për krijimin e qeverisë së re.
