Përdoruesit e smartfonëve Pixel 6, 7 dhe Pixel Fold do të marrin edhe disa vite përditësime të sistemit operativ konfirmuar nga Google në X.
Kur dolën në treg, këto seri smartfonësh do të merrnin 3 vite përditësime të sistemit operativ dhe pesë vite përditësime sigurie duke filluar nga momentin që dolën në shtije. Por një përditësim i heshtur i faqes së supportit konfirmon se këta telefonë do të marrin edhe dy versione Android shtesë duke e çuar në 5 vite përditësimin e platformës dhe sigurisë.
Politika me 3 vite përditësime Android dhe 5 vite përditësime ishte ndër më të mirat në industri por pas 2021 me debutimin e Pixel 6 nuk ishte më e tillë. Samsung filloi të ofronte 4 vite përditësime Android për Galaxy S22.
Google veproi me Pixel 8 duke ofruar 7 vite përditësime Android dhe po aq përditësime sigurie. Në këtë moment përdoruesit e Pixel 6 dhe Pixel 7 u ndjenë të harruar dhe braktisur nga Google.
Tani gjiganti i kërkimit reagoi duke premtuar edhe dy vite të tjera përditësime Android për ta. Sikur ti qëndron planit, Google duhej të kishte dërguar përditësimin e fundit të sistemit operativ me Android 15 në Pixel 6 këtë vit.
Tani Pixel 6 do të marrë edhe Android 16 dhe 17 kur të bëhen të disponueshëm. /PCWorld Albanian
