Gazetarja Ilnisa Agolli, e cila u mbulua me shami gjatë intervistës me hoxhën
Ahmed Kalaja në “Flas”, ka qenë në qendër të vëmendjes, duke shkaktuar reagime të shumta.
Një prej tyre ishte komenti i gazetarit Bled Mane, i cili me një ton të ashpër dhe provokues, kritikoi vendimin e saj, duke e cilësuar si një dorëzim për klikime dhe një kompromis me vlerat e lirisë së shprehjes.
Pas këtij postimi, Ilnisa ka publikuar një story në Instagram, ku shkruan: “Natën falet, ditën mallkon. (Kështu u kap një prime sot).”
Duket se Ilnisa po mbron vendimin e saj për veshjen dhe qasjen gjatë intervistës me Ahmed Kalanë, duke lënë të kuptohet se kritikat e Manes janë të padrejta dhe ndoshta të motivuara nga një qëndrim hipokrit ose paragjykues.
