Këtë pasdite në Milot, Agron Gjekmarkaj, nënkryetar i Partisë Demokratike, së bashku me deputetët Elda Hoti, Kastriot Piroli dhe Kryetarin e PD-së Kurbin, Edmond Shkoza, pati një takim me demokratët dhe qytetarët e kësaj zone.
Gjekmarkaj theksoi se një klimë të re është frymëzuar nga fitorja e Donald Trump në Amerikë, rezolutat e CDU-së dhe PPE-së në favor të PD-së, si dhe vendimi i Gjykatës për çështjen e Sali Berishës, i cili tani është i lirë dhe ky fakt është një fitore për të vërtetën dhe moralin politik.
Ai shtoi se PD-ja e bazon fushatën e saj në komunikimin e drejtë me qytetarët dhe jo tek luksit, super-luksit apo parave të vjedhura. Gjekmarkaj u shpreh se të gjithë duan të flasin kundër korrupsionit dhe keqeverisjes së Edi Ramës, një qeveri që, sipas tij, është arrogante dhe linçuese ndaj qytetarëve.
Ai gjithashtu u ndal në problemet e shumta që ka Miloti, si mungesa e mundësive të punësimit, kushte skandaloze tregu, dhe braktisja nga Bashkia e Kurbinit. Gjekmarkaj përmendi dhe shqetësimin për heqjen e asistencës sociale për qytetarët që janë në nevojë.
Në fund, ai theksoi se PD ka një program emergjent për të ndryshuar situatën. Ai premtoi se me një qeverisje të PD-së, do të vendoseshin:
- Pensione jo nën 200 euro
- Minimum jetik 200 euro
- Rrogë minimale 500 euro
- Rrogë mesatare 1200 euro
- Mbështetje prej 160 milionë eurosh për bujqësinë
- Rroga më të larta për mësuesit, pedagogët dhe mjekët
Gjekmarkaj përmendi arritjet e qeverisë demokratike të drejtuar nga Sali Berisha dhe theksoi se ky ndryshim është i mundur.
