Udhëheqësi i Koresë së Veriut, Kim Jong Un, i bëri thirrje ushtrisë së vendit të tij që të përqendrojë të gjitha përpjekjet në përfundimin e përgatitjeve për luftë, njoftoi të hënën agjencia shtetërore e lajmeve KCNA.
KCNA raportoi se Kim e përshkroi Gadishullin Korean si “pikën më të madhe të nxehtë në botë” në një fjalim para komandantëve të batalionit në Phenian të premten.
Kim akuzoi gjithashtu SHBA-në dhe Korenë e Jugut për sjelljen e tensioneve në gadishull “në fazën më të keqe të historisë”, raportoi KCNA.
Të shtunën, Financial Times raportoi, duke cituar burime, se Koreja e Veriut po mbështet tani Rusinë në luftën e saj kundër Ukrainës, jo vetëm duke dërguar trupa dhe municione, por edhe artileri të rëndë.
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
