Futbollistja e Kosovës, Donjeta Halilaj, ka shënuar tjetër gol në Superligën e Turqisë për Beshiktashin.
Beshiktashi të dielën e fitoi derbin turk ndaj Fenerbahçes me rezultatin 2:0. Kjo ndeshje i takoi xhiros së nëntë.
Halilaj e realizoi golin e dytë për Beshiktashin në minutën e 28-të. Halilaj realizoi gol të bukur nga afërsia.
Për futbollisten e Kosovës ky ishte goli i dytë i realizuar këtë edicion.
Fenerbahçe i prin tabelës me 24 pikë. Beshiktashi është në pozitën e katërt me 19 pikë.
