Futbollisti i Zurichut, Bledian Krasniqi, nuk do të luajë në të ardhmen për Zvicrën, por për Kosovën. Ai ka vendosur të paraqitet për Kosovën në të ardhmen, shkruan “Blick” të mërkurën.
Gazeta e madhe zvicerane ka raportuar se Krasniqi tashmë ka aplikuar për pasaportë të Kosovës.
“Lojtari i radhës i Superligës së Zvicrës zgjedh Kosovën. Ai është një futbollist i rëndësishëm i Zurichut. Futbollisti i lindur në Zvicër me prindër nga Kosova, nuk ka luajtur asnjë ndeshje për seniorët e Zvicrës. Nuk do ta ketë më rastin, pasi ai do të luajë për Kosovën në të ardhmen”, shkruan “Blick”.
Sipas informacioneve të gazetës zvicerane, lojtari 23-vjeçar i Zurichut ka vendosur pas shqyrtimit të kujdesshëm që në të ardhmen ta veshë fanellën e Kosovës. Muajin e kaluar Amir Shaipi debutoi për Kosovën, pasi luajti për gjitha grumoshat e Zvicrës. Edhe Krasniqi ka luajtur për të gjitha grupmoshat e “helvetikëve”. Nga viti i ardhshëm, do të paraqitet për Kosovën
