Kapiteni i Përfaqësueses së Shqipërisë, Berat Gjimshiti, ka pësuar lëndim në fitoren e Atalantas të dielën ndaj Udineses. Në kuadër të javës së 12-të të Serie A, Atalanta e mposhti Udinesen në shtëpi 2:1.
Gjimshiti u detyrua të zëvendësohej në minutën e 25-të për shkak të një lëndimi në kyçin e këmbës së djathtë. Ai mund t’i humbë ndeshjet e këtij muaji në Ligën e Kombeve me Shqipërinë.
Hassane Kamara në minutën e tretë shtesë të pjesës së parë i kaloi në epërsi mysafirët.
Vendësit i barazuan shifrat në minutën e 56-të me golin e Mario Pasaliqit.
Isaak Toure realizoi autogol në minutën e 60-të për rezultatin përfundimtar 2:1.
Atalanta ka 25 pikë dhe është në pjesën e epërme të tabelës. Udinese ka 16 pikë dhe është në mesin e tabelës.
