Atilla Kardesh, i cili ishte pjesë e “BBVK” për vetëm pak ditë, u largua së fundmi nga shtëpia pas kërkesës nga Ministria e Drejtësisë dhe protestave në objektin e Klan Kosova.
Ish-partnerja e tij, që ende ndodhet në “Big Brother”, reagoi me maturi pas daljes së tij. Ajo i uroi suksese Atillës dhe theksoi rëndësinë e tij si baba i fëmijëve të tyre.
Megjithatë, Drenusha shprehu shqetësim për keqpërdorimin e emrit të saj nga institucionet dhe mediat. Ajo u shpreh: “Uroj që emri im nuk është përdorur gabimisht për këtë çështje, pasi kur kam pasur nevojë për ndihmë, nuk më është dhënë.”
