Kryeministri Rama bashkëbisedim me përfaqësuesit e shoqatave shqiptare në Nju Jork: Monedha jonë është fuqizuar, Shqipëria sot ka tjetër reputacion në botë

Kryeministri Rama ka zhvilluar një bashkëbisedim me përfaqësuesit e 100 shoqatave të shqiptarëve të Amerikës, me ftesë të aktivistit të njohur shqiptar dhe kreut të Këshillit Kombëtar të Diasporës, Mark Gjonaj.

Rama në fjalën e tij tha se në Shqipëri paga mesatare do të jetë 950 euro. Kreu i qeverisë shqiptare deklaroi se monedha e Shqipërisë është fuqizuar ndjeshëm. Ai tha se Shqipëria sot ka tjetër reputacion në botë, më pozitiv se dikur.

Edi Rama: Paga mesatare në Shqipëri do të jetë 950 euro. Monedha jonë është sot më e fortë se kurrë. Turizmi ka njohur një shpërthim të madh, që gjithsesi ka edhe sfida. Shqipëria gëzon tjetër reputacion sot në botë. Qëllimi ynë strategjik është që brenda dekadës të anëtarësohemi në BE.