Arbana Osmani flet pas përfundimit të “Ferma VIP”

4

Pas mbylljes së spektaklit “Ferma VIP”, Arbana Osmani ka ndarë një mesazh emocional, duke e përshkruar prezantimin e këtij formati si një përvojë sfiduese në shumë drejtime, shkruan Kosovarja. 

“Ka qenë një përvojë sfiduese në shumë drejtime prezantimi i këtij programi, por pavarësisht vështirësive, jam shumë e lumtur që nga dita e parë publiku pëlqeu dhe përkrahu një model që nuk ishte shfaqur më parë në një reality show”, shkroi ajo.

Arbana u ndal veçanërisht te Mimoza Ahmeti, për të cilën tha se solli një filozofi jete gjatë 81 ditëve të qëndrimit në fermë.

Sipas saj, Mimoza përfaqësoi modelin e një gruaje të lirë, që nuk ka frikë të shprehë mendimet dhe ndjenjat e saj, duke zgjedhur gjithmonë të jetë vetvetja.

“Bagazhi i saj intelektual, logjika e pastër dhe zgjedhja për të kuptuar tjetrin në vend që ta gjykojë, për të falur në vend që të hakmerret, na treguan ndoshta mënyrën më të bukur për të jetuar jetën”, u shpreh moderatorja.

Në fund, Arbana e mbylli mesazhin e saj me dy fjalë të thjeshta, por domethënëse: “Faleminderit, Moza.”