“Sa vite ka një shekull?” Veleshnja ironizon sërish banorët e BBV

1

Aktori i njohur Rezart Veleshnja ka rikthyer në qendër të vëmendjes një nga momentet më të komentuar të Big Brother, duke ironizuar Selin, finalisten e këtij sezoni. Përmes një postimi në Instagram, ai bën një pyetje të drejtpërdrejtë, plot ironi, duke rikthyer kujtesën te sfida që u bë virale disa javë më parë.

Gjatë një sfide në shtëpinë e Big Brother, banorët u përballën me pyetje të thjeshta, si “emri i Nënë Terezes” dhe “Sa vite ka një shekull”. Megjithatë, shumica nuk arritën të japin përgjigje të sakta, duke shkaktuar reagime të shumta dhe diskutime të gjata në rrjetet sociale.

Ironia e Veleshnjës duket se është një përgjigje ndaj komentit të opinionistes Monika Kryemadhi, e cila gjatë mbrëmjes së fundit të Big Brother i kujtoi Selinit këtë sfidë. Ky koment u perceptua si një aluzion për mungesën e njohurive të përgjithshme të Selinit, pavarësisht arritjes së saj në finale.

Postimi i Veleshnjës përdor simbolikën e pusetës, duke e shndërruar atë në metaforë për “vjetërsinë” dhe “mungesën e dijes”. Ky lloj humori ka tërhequr menjëherë vëmendjen e ndjekësve, duke rikthyer në qendër të diskutimit momentet më të komentuar të sezonit.