Real Madridi ka njoftuar të mërkurën se Kylian Mbappe është lënduar. Superylli francez të martën mbrëma realizoi gol në fitoren 3:2 ndaj Alavesit.
Sulmuesi po kalon formë të mire te madrilenët.
“Pas testeve të bëra sot nga shërbimi mjekësor i Real Madridit, u kuptua se Kylian Mbappe ka pësuar lëndim”, ka njoftuar fituesi në fuqi i Championsit.
Mbappe ka pësuar lëndim në njërin prej muskujve të kofshës. Nuk është njoftuar zyrtarisht se sa do të mungojë Mbappe, por “Marca” ka raportuar se do të jetë jashtë fushave rreth tri javë.
