Jetmir Maliqi – shqiptari që e ktheu kafenë në art dhe profesion

3

Në botën e kafesë, emri i Jetmir Maliqit, i njohur si Il Barista, është bërë sinonim i cilësisë, profesionalizmit dhe pasionit. Me vite përvojë në industrinë e kafesë, ai nuk është vetëm një barist i talentuar, por edhe trajner i shumë të rinjve që kanë zgjedhur ta ndërtojnë karrierën në këtë profesion.

Përmes Coffee Roastery dhe Barista School, Jetmiri promovon kulturën e kafesë specialty, duke sjellë standarde moderne në përzgjedhjen, pjekjen dhe përgatitjen e kafesë. Përkushtimi i tij e ka bërë një nga figurat më të njohura të këtij profesioni në Kosovë dhe më gjerë.

Në rrjetet sociale ai ndiqet nga dhjetëra mijëra persona, ku ndan eksperienca, teknika profesionale, receta dhe momente nga aktivitetet e tij brenda dhe jashtë vendit. Për Jetmirin, çdo filxhan kafeje është një histori më vete dhe një eksperiencë që meriton të shijohet.