Gjesti shfaqet krah dhëndrit, ja çfarë thotë për të

May 9, 2026 • aroadmin

Gjesti ka qenë në qendër të vëmendjes gjatë ditës së djeshme, jo vetëm për aspektin profesional, por edhe për atë familjar. Para lansimit të projektit të tij më të ri (EP), ai ka hyrë “Live” në TikTok me bashkëpunëtorin e tij të ngushtë Gimbon, dhe mijëra fansa që po e ndiqnin për të festuar ditëlindjen e tij.

Ndonëse fansat prisnin vetëm detaje rreth muzikës së re, Gjesti kishte rezervuar një surprizë shumë personale. Për herë të parë, krah tij u shfaq i fejuari i motrës së tij, Blerinës. Artisti nuk ngurroi ta prezantonte atë me shumë krenari para ndjekësve, duke u shprehur në video: “Qiky është dhëndri”.

Atmosfera në “Live” dhe reagimi i Gimbos
Prania e dhëndrit u shoqërua me një atmosferë shumë pozitive dhe festive. Edhe Gimbo, e përshëndeti prezencën e tij duke shtuar me shaka dhe gëzim: “Erdh dhëndri”.

Ky veprim i Gjestit tregon raportin e afërt dhe mbështetjen që ai ka për lumturinë e motrës së tij, duke i bërë fansat pjesë të gëzimit të tyre familjar.

Kujtojmë se vetëm pak ditë më parë, Prive by Liberta Spahiu zbuloi lajmin se motra e Gjestit, Blerina, është fejuar, ndërsa vetëm ditën e djeshme Gjesti e zbuloi publikisht.