“I ngjan Xhensilës…” zbulohet pamja e partneres së re të Bes Kallakut (VIDEO)
Pas fotos romantike që Bes Kallaku publikoi së fundmi me partneren e tij të re, rrjeti është përfshirë nga aludimet dhe kurioziteti për identitetin e vajzës misterioze.
Edhe pse aktori ka zgjedhur ta mbajë larg vëmendjes publike, duke mos ia zbuluar fytyrën, gazetari Elton Tozaj ka ndarë disa detaje gjatë një lidhjeje me Klan Kosova.
Ai u shpreh se e njeh partneren e re të Besit dhe e përshkroi si një vajzë shumë të thjeshtë dhe larg botës së showbiz-it.
Por ajo që mori më shumë vëmendje ishte deklarata e tij se vajza ka një ngjashmëri të dukshme me Xhensila Myrtezaj, ish-bashkëshorten e aktorit.
Sipas Tozajt, nuk bëhet fjalë vetëm për flokët apo një tipar të veçantë, por për një ngjashmëri të përgjithshme në paraqitje.
Deklarata ka ndezur menjëherë rrjetet sociale, ku fansat po krahasojnë partneren misterioze me Xhensilën dhe po komentojnë lidhjen e re të Besit.
