Do të mbushte 41 vjeç, Selvije Jao rrëqeth me postimin për Shpat Kasapin: Roeli po thotë…

3

elvije Jao ka ndarë me ndjekësit në “Instagram” një moment tepër emocional, duke kujtuar ish-bashkëshortin e saj të ndjerë, Shpat Kasapi, në ditën që ai do të festonte 41 vjetorin e lindjes.

Bashkëshortja e këngëtarit të ndjerë ka publikuar një video ku artisti shfaqet në momente të ëmbla krah djalit të tyre, Roelit. Krahas pamjeve, ajo ka zgjedhur fjalë të ndjera, duke shprehur dhimbjen për mungesën e tij, por edhe bindjen se ai vijon të jetë pranë tyre në një formë shpirtërore.

“Sot është dita jote… Ti nuk je larg, je vetëm në një formë tjetër: engjëlli ynë mbrojtës. Çdo bekim që na vjen, çdo gjë e bukur që na ndodh, e ndiej si shenjë nga ti,” shkruan Selvije, duke përcjellë një mesazh që preku ndjekësit e saj.

Në vijim të dedikimit, ajo ndalet te momentet me djalin e tyre të vogël, duke treguar se si çdo fjalë dhe veprim i tij i kujton praninë e të atit.

“Roeli po thotë ‘Daddy’… dhe zemra ime e di që ti e dëgjon, që je pranë nesh. Urime ditëlindjen në parajsë, Shpat. 5 muaj pa ty, por gjithmonë në zemrat tona,” përfundon ajo.