Vajza e Cristiano Ronaldos dhe Georgina Rodríguez feston 4-vjetorin, pamje nga festa përrallore

1

Bella, vajza e Cristiano Ronaldos dhe Georgina Rodríguez, mbushi katër vjeç dhe prindërit e saj vendosën të organizojnë një festë ditëlindjeje që të mbetej vërtet e paharrueshme për të gjithë.

Dhe, siç duket nga fotografitë dhe videot e publikuara në rrjetet sociale nga çifti i njohur, qëllimi u arrit plotësisht.

Bella Esmeralda, vajza më e vogël e familjes, festoi ditëlindjen e saj në një atmosferë që të kujtonte një përrallë. Ngjyra rozë dominonte kudo, ndërsa dhjetëra tullumbace mbushnin kopshtin e shtëpisë ku u organizua festa, duke impresionuar të gjithë të pranishmit. Georgina Rodríguez kishte marrë vetë përsipër dekorimin e ambientit.

4-vjeçarja shpesh quhet “princesha” e familjes, një titull që u duk se u konfirmua edhe nga festa e organizuar për të.

“Urime, princesha ime! Katër vite plot gëzim. Babai të do shumë!”, ishte mesazhi i Cristiano Ronaldos për të nderuar ditëlindjen e Bellës, ndërsa nëna e saj krenare publikoi emrin e vogëlushes pranë një zemre rozë, duke ndarë gjithashtu video nga përgatitjet e festës.)

Ajo që preku veçanërisht ishte përmendja e vëllait binjak të Bellës, i cili fatkeqësisht ndërroi jetë gjatë lindjes.

Hashtag-u #AngelyBella (Ángel dhe Bella) tregon se edhe në një moment kaq të gëzueshëm, Ángel mbetet gjithmonë i pranishëm në mendimet e tyre dhe në momentet familjare.