Dalin pamjet nga prapaskena/ Rogerti bën reagimin e revoltuar pas largimit (VIDEO) – ekskluzivet

Finalja e Big Brother VIP Albania nuk ka mbaruar vetëm me shpalljen e fitueses, por ka vazhduar me tension edhe në prapaskena.

Pamje të publikuara nga emisioni “E Diell” tregojnë momentin kur Rogerti largohet i irrituar nga ambientet e Top Channel, menjëherë pas eliminimit ku u rendit i katërti.

Në video, gazetari Bledi Mane tenton t’i afrohet për një reagim të parë, por ish-banori e shpërfill duke kaluar pa u ndalur, i shoqëruar nga stafi dhe njerëzit e tij.

Edhe pse gazetari insiston, Rogerti nuk pranon të flasë dhe vijon largimin me nxitim, duke reflektuar qartë gjendjen e tij emocionale.

Ky moment përforcon edhe reagimet e tij të mëvonshme në rrjet, ku ka hedhur akuza ndaj produksionit, duke e cilësuar gjithë procesin si “lojë politike”.

Po ashtu, është bërë e ditur se ai ka refuzuar të marrë pjesë edhe në festën e “afterparty”-t me banorët e tjerë.

Pamjet janë bërë menjëherë virale, duke ndezur diskutime të shumta për atë që ndodhi pas kamerave në natën finale.