Paralajmërohet publikimi i pamjeve të Gjestit nga sherri në Onima

1

Ekipi ligjor i Onima-s, në krye me Besnik Berishën, ka paralajmëruar publikimin e provave nga momenti kritik kur Gjesti sulmoi studion e shtëpisë diskografike.

“Duke qenë se rasti ka marrë vëmendje të gjerë publike dhe është shoqëruar me interpretime të njëanshme në opinion, e konsiderojmë të domosdoshme të sqarojmë se narrativi i krijuar deri më tani, sipas të cilit “Gjesti” paraqitet si viktimë dhe ONIMA si cenues i të drejtave të tij, është i pasaktë dhe nuk qëndron mbi fakte” thuhet në njoftim të grupit ligjor.

Sipas tyre, ekzistojnë materiale përfshirë videoincizime dhe dokumentacion i plotë mbi historikun e kësaj çështjeje,

“Ky rast tani për tani nuk do të trajtohet në media, por në gjykatë, aty ku faktet peshohen, provat vlerësohen dhe e vërteta merr formën e saj ligjore.

Megjithatë, në ditët në vijim do shpalosim më shumë detaje, të bindur se publiku meriton ta di të vërtetën dhe t’i gjykojë faktet e provat ashtu siç janë” thuhet në njoftim.

Studio Ligjore Besnik R. BERISHA & Associates ka marrë përsipër përfaqësimin juridik të ONIMA dhe z. Erkand SHABANi, në cilësinë e palës së dëmtuar në rastin e njohur në publik si “Gjesti”.

Në këtë procedurë penale, i pandehur për së paku tri vepra penale është z. Besart Kelmendi, i njohur si ” Gjesti”. Nga ajo që kemi kuptuar zyrtarisht nga organet e ndjekjes, aktakuza për këtë rast pritet të dorëzohet në gjykatë së shpejti.

Duke qenë se rasti ka marrë vëmendje të gjerë publike dhe është shoqëruar me interpretime të njëanshme në opinion, e konsiderojmë të domosdoshme të sqarojmë se narrativi i krijuar deri më tani, sipas të cilit “Gjesti” paraqitet si viktimë dhe ONIMA si cenues i të drejtave të tij, është i pasaktë dhe nuk qëndron mbi fakte.

Materialet që tashmë disponon studioja jonë, përfshirë videoincizime dhe dokumentacion të plotë mbi historikun e kësaj çështjeje, përbëjnë prova të qarta që rrëzojnë këtë perceptim të ndërtuar në publik.

Ky rast tani për tani nuk do të trajtohet në media, por në gjykatë, aty ku faktet peshohen, provat vlerësohen dhe e vërteta merr formën e saj ligjore.

Megjithatë, në ditët në vijim do shpalosim më shumë detaje, të bindur se publiku meriton ta di të vërtetën dhe t’i gjykojë faktet e provat ashtu siç janë.