Asnjë fjalë pas finales!Elijona nuk flet pas natës finale

Finalja e shumëpërfolur e spektaklit më të ndjekur në vend, Big Brother VIP Kosova, përfundoi me emocione të forta dhe surpriza për publikun. Një nga emrat më të komentuar të këtij edicioni, Elijona Binakaj, e mbylli garën në vendin e dytë, ndonëse për një pjesë të madhe të publikut ajo konsiderohej si favoritja absolute për çmimin e madh.

Por ajo që ka habitur ndjekësit është heshtja e saj pas finales.

Ndryshe nga shumica e ish-banorëve që reagojnë menjëherë me mesazhe falënderimi dhe postime emocionuese, Elijona deri më tani ka zgjedhur të mos bëjë asnjë reagim publik. Përveç disa “share”-ve në Instastory, ajo nuk ka publikuar asnjë mesazh falënderimi për publikun që e mbështeti dhe e çoi deri në natën finale.

Kjo mungesë reagimi ka nxitur diskutime në rrjete sociale. Disa fansa shprehen të zhgënjyer, duke theksuar se një falënderim minimal do të ishte i pritshëm, ndërsa të tjerë mendojnë se ajo mund të ketë zgjedhur të reflektojë në qetësi pas një rrugëtimi të gjatë dhe emocionalisht të ngarkuar brenda shtëpisë.

A është kjo një strategji për të shmangur polemikat? Apo një reagim emocional pas humbjes së çmimit të madh?

Deri në një deklaratë zyrtare nga vetë Elijona, mbetet për t’u parë nëse heshtja e saj do të thyhet me një reagim publik në ditët në vijim.