Postuar: Dhjetor 15, 2025 | 23:48
Një moment special u regjistrua në fundin e duelit mes Bolonjës dhe Juventusit që përfundoi me rezultatin 0-1 për bardhezinjtë e Spaletit, ku protagonist u bë Frederiko Bernardeski, i cili këtë sezon është pjesë e Bolonjës.
Tifozët e Juventus e kanë thirrur me zë të lartë Bernardeskin, i cili po stërvitej në fushë në “Dall’Ara” me pjesën tjetër të lojtarëve që kishin pasur pak minuta kundër bardhezinjve, duke hyrë nga stoli.
Fantazisti i emilianëve kalon tabelat reklamuese dhe shkon të marrë përqafimin dhe këngët e ish-tifozëve të tij. Lojtarët e Bolonjës e panë nga larg dhe vunë re madje edhe shallin e Juves që Bernardeski mori dhe e kishte vendosur në qafë, duke e bërë atë moment edhe më të veçantë dhe emocional.
“Njëri nga ne, Berna njëri nga ne”. Ky ishte kori i tifozëve të Juventus, të cilët e kanë vlerësuar jashtëzakonisht shumë gjestin e tij, i cili nuk ka pasur asnjë problem të marrë përqafimin e ish-tifozëve të tij. Asnjë mungesë respekti ndaj tifozëve të Bolonjës, por vetëm një takim i bukur me atë sektor bardhezi që nuk ka harruar një lojtar që ka ndarë dhomën e zhveshjes me shumë kampionë të një Juve fituese, që kishte në skuadër emra si Kristiano Ronaldo, Dibala dhe Higuain dhe që ka shkruar faqe historie të klubit bardhezi.
#BolognaJuventus #Bernardeschi #Juventus pic.twitter.com/LabItHMiCy
— GiulioAngelini (@giulio_angelini) December 14, 2025
PANORAMASPORT.AL
