Presidenti Amerikan Donald Trump goditi Apple ditën e Premte duke kërcënuar kompaninë me 25 përqind tarifa mbi iPhone nëse nuk transferon prodhimin në SHBA.
“E kam informuar Tim Cook të Apple prej kohësh se pres që iPhone-t që do të shiten në SHBA duhet të prodhohen dhe ndërtohen në SHBA, jo në Indi, apo ndonjë vend tjetër,” shkruante Trump në Truth Social.
“Nëse nuk bën kështu, një tarifë të paktën 25 përqind do të paguhet nga Apple tek SHBA-ja.”
Postimi i Trump vjen pasi një partner i madh i Apple Foxconn njoftoi investim prej 1.5 miliardë dollarësh në Indi. Apple është përpjekur të zhvendosë prodhimin e harduerit nga Kina në Indi për shkak të luftës tregtare SHBA-Kinë.
Në fillim të muajit gjatë një komunikimi me investitorët, Tim Cook tha se shumica e iPhone shitur në SHBA do të kenë Indinë si vendin e tyre të origjinës.
Trump shprehu pakënaqësi në lidhje me këtë gjatë vizitës në Lindjen e Mesme. /PCWorld Albanian
