Postuar: Mars 16, 2025 | 12:45
Postimi javor i Observatorit të Futbollit “CIES” prezanton 100 lojtarët me performancën më të mirë në botë, nga një këndvështrim sulmues për sa u përket statistikave të tyre në tri fusha të lojës: marrja e topit, krijimi i shanseve dhe përfundimi për sezonin 2024-2025.
Mishel Olize kryeson renditjen me një indeks mesatar prej 88.5 pikësh në këto tri fusha dhe një vlerë maksimale prej 99 në krijimin e rasteve. Sulmuesi francez i Bajern Mynih është përpara spanjollit të Barcelonës, Lamine Jamal (87.7 pikë), dhe gjermanit të Bajer Leverkusenit, Florian Virc (85.0).
Top 10 përfshin gjithashtu dy brazilianë (Vinicius dhe Savinjo), dy francezë (Ousmane Dembelé dhe Desir Due), një anglez (Bukaio Saka), një egjiptian (Mohamed Salah), sikurse një holandez (Noa Lang). Ky i fundit është lojtari i rangut më të lartë aktiv jashtë ligave të mëdha evropiane.
Ai është përpara Estevao Uillian (Palmeiras, i huazuar nga Çelsi) dhe Rodri Sançez (Al-Arabi).
PANORAMASPORT.AL
