Apple po përgatitet për të përditësuar linjën MacBook Air me çipet më të fundit M4 në muajin Mars sipas Mark Gurman të Bloomberg. Me rritjen e specifikave të linjës së laptopëve të hollë, mbarë laptopët MacBook do të kenë kaluar në çipin M4.
Gurman nuk dha një afat se kur laptopët mund të debutojnë muajin e ardhshëm por njëlloj siç me çdo prezantim tjetër Apple dërgon ftesa dhe përgatit ekipet e reklamimit, shitjeve dhe shpërndarjes për debutimin.
Të dy modelet 13-inç dhe 15-inç pritet të vinë në të njëjtën kohë si vitin e kaluar. Që kur Apple ka filluar të ndërtojë çipet e saj, MacBook Air kanë ndjekur hapat e MacBook Pro me përditësimin në teknologjinë dhe gjeneratën më të fundit. Këta laptopë super të hollë kanë pak porta dhe nuk kanë ventilatorë.
Modeli bazë MacBook Pro 14-inç ka procesor me 10 bërthama dhe grafika po me 10 bërthama shoqëruar nga 16GB RAM. i njëjti konfigurim do të jetë bazë për modelet e reja MacBook Air 13 dhe 15 me procesorin M4.
Mac Studio dhe Mac Pro janë të vetmit që kanë ngelur të papërditësuar ende me çipin M4. /PCWorld Albanian
