Gjykata e Tiranës zbardh vendimin/ Pse u njoh Komisioni i Rithemelimit organ drejtues i PD-së

[ad_1]

Gjykata e Tiranës ka zbardhur vendimin, në bazë të të cilit njohu Komitetin e Rithemelimit si drejtues të Partisë Demokratike, duke legjitimuar Kuvendin e datës 11 Dhjetor, thirrur nga ish-kryeministri Sali Berisha.

Në vendim thuhet se gjyqtari Agron Zhukri, ka kryer një seri verifikimesh, mbi legjitimitetin e kërkesës së Rithemelimit, cilësisë së anëtarëve të Këshillit Kombëtar dhe përputhshmërinë e Statutit të miratuar nga anëtarësia në 11 Dhjetor 2021 me normat ligjore.

Gjykata ka arritur në konkluzionin se kërkesa e Komitetit të Rithemelimit është në përputhje të plotë me ligjin dhe për këtë arsye ajo duhet pranuar.

Gjykata rithekson se nuk ka rol aktiv në emërimin, ndryshimet apo shkarkimet e organeve drejtuese të partive politike, pasi kjo gjë u takon vetë strukturave të organizatave.

Gjykata ushtron vetëm kontrollin formal të ligjshmërisë së ndryshimeve statutore dhe verifikimin e kërkesave të ligjit.

Në rastin e kërkesës së Komitetit të Rithemelimit, gjykata ka konstatuar se mbledhja e Kuvendit Kombëtar i 11 Dhjetorit 2021 është kryer në përputhje me Statutin e Partisë Demokratike që ishte në fuqi në atë kohë.

Gjykata ka kryer verifikime të thelluara mbi regjistrimin e delegatëve të Kuvendit Kombëtar.

Në bazë të dokumentacionit të konsultuar, ka arritur në përfundimin se numri i tyre tejkalonte minimumin e kërkuar nga Statuti për të thirrur Mbledhjen e Jashtëzakonshme të Kuvendit.

Pasi ka konstatuar legjitimitetin e Mbledhjes së Kuvendit Kombëtar, gjykata më pas ka analizuar vendimet e tjera të marrë në 11 Dhjetor 2021, duke nisur nga ndryshimet statutore të Partisë Demokratike.

Ndryshimet e Statutit të miratuara nga Kuvendi Kombëtar i 11 Dhjetorit janë konstatuar gjithashtu të rregullta dhe, në këtë mënyrë, edhe të gjitha ndryshimet pasuese të mbështetur në Statutin e ndryshuar, janë vlerësuar konform ligjit.

Në 11 Dhjetor të vitit të kaluar, anëtarësia e Partisë Demokratike thirri Kuvendin Kombëtar. Sipas statutit, mbledhja thirrej nga së paku një e katërta e delegatëve ose rreth 1912 të tillë.

Thirrja e mbledhjes u nënshkrua nga një numër shumë më i lartë, rreth 4200 delegatë, ndërkohë që në punimet e Kuvendit Kombëtar rezulton se kanë marrë pjesë 4935, siç konstatoi edhe gjykata.

Kuvendi Kombëtar i 11 Dhjetorit parashikon se Partia Demokratike drejtohet përkohësisht nga Komiteti i Rithemelimit, deri në zgjedhjen e strukturave të reja drejtuese të forcës politike.

Po ashtu, Kuvendi Kombëtar miratoi shkarkimin e ish-kryetarit të Partisë Demokratike, Lulzim Basha. Po ashtu, delegatët miratuan edhe disa ndryshime të rëndësishme statutore.

Të gjithë vendimet e Kuvendit Kombëtar, të cilat sipas ligjit për Partitë Politike hyjnë në fuqi menjëherë pas miratimit, tashmë kanë marrë fuqi ligjore me vendim gjyqësor.

Vendimi i dhënë nga gjyqtari Zhukri, është çuar në Gjykatën e Apelit nga Enkelejd Alibeaj, i cili u emëruar kryetar i komanduar pas dorëheqjes së Lulzim Bashës.

loading…

[ad_2]

Source link

Leave a Reply

Your email address will not be published. Required fields are marked *